都市人的Coffee solution

近年第三波咖啡浪潮,追求咖啡原味,好像whisky 要飲single malt,不過咖啡提神,whisky醉人(愈講愈遠 -.-“) 。不論你有冇飲咖啡的習慣,都有聽過近年啲人飲咖啡,飲到什麼花香味,什麼榛果味,果酸果甜之類。都市人生活忙碌,想飲一杯好咖啡,好多時都要去coffee shop,但日日飲一杯,小數怕長計。加上疫情WFH,出街都可免則免。仲有咩方法可以飲到優質,而又較經濟嘅咖啡?

好似出街食飯vs自己煮咁,一定係親自下廚比較實惠,咖啡都一樣。如果你飲開espresso,買一部espresso machine 閒閒地都過萬,沖煮,清潔亦需時(當然自我感覺係一個barista呢part 冇計落去)。可能你已經估到個solution就係George Clooney嗰部咖啡機。的而且確佢係集經濟、優質、慳時間於一身,性價比較高的一個選擇。本小編並未持有以上咖啡機,只係聽其他咖啡友的comment,似乎都係一個唔錯嘅選擇。

而本小編近年開始了手沖咖啡的興趣,因為沖煮器材相對便宜。如果冇特別追求高階款,濾杯、下壼、手磨、電子磅、溫度計、濾紙,買齊都唔過千。如果你係鍾意飲手沖咖啡,我強烈建議自己買一套沖。因為市面上的手沖咖啡最少$60 起跳,如果講緊港島區同靚豆,動輒過百,飲10杯已經有一套沖煮工具。不過手沖咖啡都有一個問題,我自己準備及製作都需時約15分鐘,有幾次趕住出街都沖唔切。所以除咗咖啡豆外,我都會有幾包drip bag(掛耳包)看門口,作為省時的手沖option。Drip bag 通常會真空處理,不失咖啡風味,加上攜帶方便,返office 又得,去行山都得,只需要加熱水就飲得,得咗。

分享小小沖drip bag技巧(drip bag 都要技巧!? 睇下啱唔啱使囉)

有啲drip bag 背面亦會有instruction,以下係general 的沖法:

  • 打開掛耳包(傻的嗎?唔打開點沖)
  • 水溫攝氏92-95度
  • 加滿水後等45-60秒 (預浸/ blooming)
  • 之後加水都係加滿,等佢drip完再加滿
  • 視乎你想飲較濃定較淡,較濃(預浸後加兩次水),較淡(預浸後加三次水)
  • 享受咖啡☕️
分享

發表留言

你的電郵並不會被顯示。